Qubada krantdan su əvəzinə palçıq gəlməsinin səbəbi açıqlandı – VİDEO

Qubanın Alpan kəndində içməli suyun bulanıq gəlməsinin səbəblərini araşdırılıb.

Alpan kəndi rayonun ən böyük yaşayış məntəqələrindən biridir. Rayon mərkəzindən 16 kilometr məsafədə yerləşən kənddə 4 000 nəfər əhali yaşayır. Kəndin içməli su ilə təmin edilməsi məqsədilə Quruçay çayında su təmizləyici qurğular quraşdırılıb.

Ötən il Quruçayın sahilindəki dağın bir hissəsinin uçması nəticəsində suyun bulanıqlığı daha da çoxalıb. Torpağın tərkibində olan təbii boya komponentləri çay suyuna qarışır. Bu da suda xüsusi tərkib yaradır. Kənd sakinlərinin sözlərinə görə, bu su ağac və bitkilərin dibinə tökdükdə onları qurudur.

Azərsu ASC-nin 1№-li regional su-kanal idarəsinin rəisi Elşən Həsənzadə “Report”un Şimal bürosuna bildirib ki, əhalinin içməli suya olan tələbatının ödənilməsi üçün dövlət tərəfindən Quruçay çayında su təmizləyici qurğu tikilib:

“Yeni tikimiş qurğunun gücü saniyədə 8,7-9 litr, kənd sakinilərinin içməli suya olan təlabatı isə saniyədə 7-7,5 litr təşkil edir”.

E.Həsənzadə iddia edib ki, Alpan kəndinin əhalisi içməli su ilə tam şəkildə təmin edilir.

Qeyd edk ki, su mənbəyi kimi kənddən 10 kilometr məsafədə Quruçaydan su xəttinin çəkilməsi nəzərdə tutulur və işlərə başlanılır. Layihədə nəzərdə tutulan su təmizləyici qurğular quraşdırılsa da hər dəfə seldən sonra kəndə içməli su bulanıq gəlir. Yeri gəlmişkən, içməli suyun bulanıq daha bir kənd isə 3 minə yaxın əhalisi olan rayonun Digah kəndidir.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

This site uses Akismet to reduce spam. Learn how your comment data is processed.