Moldovanın Səhiyyə naziri koronavirusa yoluxub

Moldovanın Səhiyyə, Əmək və Sosial Müdafiə naziri Viorika Dumbrevyanu yeni növ koronavirusa (COVID-19) yoluxduğunu bildirib.
Bu barədə nazirin özü şənbə günü analizlərinin nəticələrini dərc edərək “Facebook” səhifəsində elan edib.
“İndi mən də xəstəliklə mübarizə aparıram. Həkimlərin təyin etdiklərini alıram və ümid edirəm ki, COVID-19-u məğlub edə biləcəyəm”, – V. Dumbrevyanu yazıb.
Bundan əvvəl Moldovanın Daxili İşləri naziri Pavel Voyku və Moldovanın Sərhəd Polisinin rəhbəri Korneliu Qroza da koronavirus xəstəliyinə yoluxmuşdular. Moldovanın Səhiyyə Nazirliyinin məlumatına görə, hazırda ölkədə epidemioloji vəziyyət gərgin olaraq qalır. Bu günədək ölkədə 36 404 nəfər (əhalinin təxminən 1%-i) COVID-19-a yoluxub.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

This site uses Akismet to reduce spam. Learn how your comment data is processed.