Karantindən sonra ilk dəfə saçını kəsdirən… 422 avro ödəyəcək

Koronavirus pandemiyasına görə bir çox ölkələrdə tətbiq olunan sərt karantin qaydaları gündəlik qazancı əlindən çıxan insanları fərqli üsullara əl atmağa vadar edir

Almaniyanın Bayroyt şəhərindən olan bərbər Andreas Nuysl eBay platformasında lokdaundan sonra saç kəsimi xidmətinə görə növbəyə birinci yazılmaq istəyənlər üçün hərrac keçirib.

Bu barədə DPA agentliyi yazır.

Lotun adı belə olub: “10 həftəlik lokdaundan sonra 2021-ci il martın 1-də 08:00-da saç kəsimi üçün növbədə birinci yer”. Xidmətin ilkin qiyməti 288 avro göstərilib. Fevralın 12-dən 20-dək davam edən hərracda qiymət 422 avroyadək qalxıb. Bu pul müqabilində lokdaundan sonra ilk dəfə saçını kəsdirmək şərəfinə 43 yaşlı kişi nail olub.

Bundan başqa, bərbər 1310 avro da yığa bilib, bu məbləği o, uşaqlara yardım üçün xərcləməyi fikirləşir.

Almaniya hökuməti isə lokdaunu martın 7-dək uzadıb.

 

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

This site uses Akismet to reduce spam. Learn how your comment data is processed.

%d bloggers like this: