Mark Zukerberqin də şəxsi məlumatları ƏLƏ KEÇİRİLDİ

“Facebook” sosial şəbəkəsinin qurucusu Mark Zukerberq məlumatları yayılan 533 milyon istifadəçidən biri olub.

Milyarderin telefon nömrəsi müxtəlif onlayn resurslarda paylaşılıb.

Xəbərə görə, diqqətli “Twitter” istifadəçilərindən biri yayılan məlumatlar siyahısında M.Zukerberqin telefon nömrəsini görüb və dərhal səhifənin ekran şəklini (skrinşotunu) çəkərək öz hesabında paylaşıb.

Xatırladaq ki, dünən “Business Insider” nəşri 106 ölkədən olan 533 milyon “Facebook” istifadəçisinin şəxsi məlumatları və telefon nömrələrinin internetdə açıq şəkildə yayımlanması barədə məlumat yayıb. Məlumatda qeyd olunub ki, ən çox ABŞ, Səudiyyə Ərəbistanı və Rusiyadan olan “Facebook” istifadəçiləri zərər çəkib.

Yayılan məlumatlar sırasına sosial şəbəkə istifadəçilərinin adları, yaşadığı ünvan, doğum tarixləri və telefon nömrələri daxildir.

Qeyd olunur ki, “Facebook” rəhbərliyi məsələ ilə əlaqədar göndərilən sorğuya cavab verməyib.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

This site uses Akismet to reduce spam. Learn how your comment data is processed.

%d bloggers like this: