BP-nin Gürcüstan üzrə rəhbəri azərbaycanlı təyin olunub

Aytən Hacıyeva Böyük Britaniyanın BP şirkətinin Gürcüstan üzrə ölkə rəhbəri vəzifəsinə təyin olunub.

Azərbaycanın Gürcüstandakı səfiri Faiq Quliyev A.Hacıyeva ilə görüş keçirib.

Səfir A.Hacıyevanı yeni təyinatı münasibətilə təbrik edərək ona fəaliyyətində uğurlar arzulayıb. O, Azərbaycan vətəndaşlarının böyük transmilli şirkətlərdə yüksək vəzifə tutmalarının önəmini qeyd edib.

A.Hacıyeva BP-nin Gürcüstandakı fəaliyyəti və gələcək planları barədə məlumat təqdim edib. Onun sözlərinə görə, bu il şirkətin Gürcüstanda fəaliyyətə başlamasının 25-ci ildönümü tamam olur və şirkət regionda bərpa olunan enerji sahəsində layihələrin həyata keçirilməsini də təşviq edir.

Tərəflər Gürcüstanda biznes mühiti, ölkədə Azərbaycan şirkətlərinin fəaliyyəti və onların yatırdıqları sərmayələr ətrafında fikir mübadiləsi də aparıblar.

Qeyd edək ki, A.Hacıyeva BP-də yüksək vəzifəyə təyinat alan üçüncü azərbaycanlı kadrdır. Hazırda şirktətin Azərbaycan, Gürcüstan və Türkiyə regionunda insan resursları üzrə vitse-prezidenti Nərminə Nəbiyeva, Yaxın Şərq və Xəzər regionunda kommunikasiya və xarici əlaqələr üzrə vitse-prezidenti isə Bəxtiyar Aslanbəylidir.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

This site uses Akismet to reduce spam. Learn how your comment data is processed.

%d bloggers like this: