Koronavirus xəstələri bu dərmanla MÜALİCƏ OLUNACAQLAR

Yaponiya Səhiyyə, Əmək və Sosial Rifah Nazirliyinin mütəxəssis heyəti yeni növ koronavirusunun (COVID-19) müalicəsində revmatik artrit dərmanı olan “Baricitinib” preparatından istifadəni təsdiqləyib.

ABŞ-ın “Eli Lily” şirkəti tərəfindən istehsal olunan revmatik artrit dərmanı “Baricitinib” nazirliyin nəzdindəki mütəxəssis heyəti tərəfindən koronavirusun müalicəsində istifadə olunacaq tibbi preparat kimi təsdiqlənib.

Şirkət dekabr ayında dərmanın təsdiqlənməsi üçün nazirliyə müraciət etmişdi.

Qeyd edək ki, “Baricitinib” preparatı ABŞ-da kəskin oksigen çatışmazlığı yaşayan COVID-19 xəstələrinin müalicəsində “Remdesivir” dərmanına əlavə olaraq istifadə olunur.

Yaponiya hökuməti indiyə qədər koronavirusun müalicəsində “Remdesivir” və “Steroid deksametazon” dərmanlarından istifadəyə icazə vermişdi.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

This site uses Akismet to reduce spam. Learn how your comment data is processed.

%d bloggers like this: